حادث اسيوط

                                                                        حادث اسيوط
-مزلقان سكة حديد مفتوح وأتوبيس أطفال وعامل مزلقان(عناصر الصورة).
-دماء-كراريس ملقاة-أكثر من خمسين جثة -محاولات من النخبة السياسية لاستغلال الموقف-استقالة وزير -أمهات ثكالى-احباط هائل فى نفوس الشعب المصرى-قطع طريق السكة الحديد-طرد رئيس الوزراء من القرية.
 -مسلسل الاهمال غير المنتهى.
-(يعنى انا اللى حصلح الكون؟).
-لا تستهن بشئ صغير جدا تفعله فى عملك أو فى حياتك قد يكون الفارق الوحيد بين الموت والحياة(اغلاق مزلقان كمثال).
-حاول الا تتشاجر أو تتخاصم مع من تحب فقد لا تراه مرة أخرى.

السينما بين مصر والغرب

                                السينما بين مصر والغرب
-لا شك ان السينما بالاضافة الى الامكانات الفنية والمواهب فى مجال الاخراج والتاليف والتمثيل والديكور وووووو
تحتاج أيضا الى الامكانات المادية التى تتمثل فى شركات الانتاج التى يهمها الربح فى المقام الاول-ولا يمكننا أن نلومهم-لذا فان المقارنة غير متكافئة بين السينما المصرية والهوليودية.
-فى الوقت الذى تتكون فيه ميزانية أكبر فيلم مصرى وما نسميه نحن(الانتاج الضخم)لا تزيد عن20 أو 25 مليون جنيه مصرى يذهب معظمها للممثلين لان الفيلم يسوق عن طريق أسمائهم مما يترك أمام أموال العمل الفنى نفسه مساحة ضئيلة قد تقيد المخرج .
-على الناحية الاخرى تجد الأفلام الهوليودية تتخطى ميزانياتها مئات ملايين(الدولارات)(الدولار يساوى ستة جنيهات مصرية) لذا تجد الطائرات والسيارات والمؤثرات البصرية الخلابة.
-مثال مشهد  انفجار سيارة فى السينما المصرية تجده يعاد ويكرر ومن كل الزوايا حتى تشعر أنه فيلم أكشن عالمى و(انتاج ضخم) اما فى السينما الهوليودية تجد المشهد الواحد الذى عادة ما يكون سريعا ينفجر فيه عشرات السيارات.
-رأيى أن السبب فى ذلك هو شباك التذاكر حيث أن ايرادات الأفلام فى مصر ضعيفة ففى الوقت الذى يكون أعلى فيلم مصرى فى الايرادت هو فيلم اللمبى-بغض النظر عن قيمته الفنية المتدنية-يجنى فقط 32 مليون جنيه.
-وعلى الجانب الاخر تشاهد ايرادات السينما الامريكية وبرامج ال(box office) وهى نعنى بترتيب اعلى عشر أفلام فى السينما الأمريكية أسبوعيا فيصيبك الذهول عندما تعرف أن أجمالى ايرادات بعض الأفلام مثل (تايتانك)و(افاتار) قد تخطى المليار دولار.
-مستوى المعيشة بين المصريين والأمريكيين له دور كبير حيث أن المصريين الذين يعانون من أزمات اقتصادية طاحنة لا يجدون ما يمكنهم من الذهاب الى السينما التى تعتبر بالنسبة اليهم ترفا لا ينبغى التفكيرفيه فى ظل وجود أولويات أكبر.
-أما فى امريكا فأعتقد أن مستوى المعيشة المرتفع يؤهلهم لمتابعة كل جديد فى ظل منافسة شرسة بين شركات الانتاج والتى تصب غالبا فى صالح المشاهد الأمريكى والعربى أيضا.
-وان كان هذا لا يلغى أو يقلل من امكانت الممثلين والمخرجين فى السينما الأمريكية واهتمامهم بالتفاصيل لأن السينما بالنسبة لهم صناعة فى الوقت الذى نتابع فيه أفلام السبكى التى تلعب على غرائز وشهوات المراهقين بعيدا عن المحتوى الفنى.
-وكى أكون منصفا فان السينما المصرية -فى ظل الامكانات الضعيفة المتاحة-تحتوى كفاءات رهيبة من مخرجين وممثلين.
-الجمهور هو القوة الكاسحة التى ترسم خطوط سير قاطرة السينما وكلما كان الجمهور مثقفا ذو حس فنى مرهف كلما اتجهت السينما نحو الأرقى والعكس صحيح.

                         برنامج مقلب دوت كوم(حلقة الندل)

-اشرف عبد الباقى لابس طقم جميل.

-الحلقة بتتكلم عن (الجدعنة)وهى الوقوف مع الطرف الاخر بايجابية فى مختلف المواقف والظروف خاصة فى الازمات (ورأيى ان الجدعنة مرتبطة بطبيعة الموقف نفسه)يعنى لما يكون صاحبك بتاع مشاكل بطبيعته انت مش مطالب انك تتورط معاه بدعوى الجدعنة.

-مبدئيا عمر بيقول عن همام مش جدع-ممكن يكون ده صحيح- لكن فكرة انه يفضح صاحبه فى برنامج دى تعتبر منتهى عدم الجدعنة.

-عمر لابسله سلسلة وعلى رأى الجخ(والبس سلسلة ليه هو انا كلب).

-عمر بيقول على صاحبه مش مش جدع -بعد ايه -مانت فضحت صاحبك خلاص.

-موقف الورق اللى همام خده فى ليلة الامتحان ده مش متصدق ومبالغ فيه يعنى فى ليلة الامتحان عمر قعد طول الليل مستنى الورق ولا نزل ولا اتصرف من حد؟.

-همام وهو طالع السلم كان حيقع واشرف سنده فى حركة واضح انها مفتعلة.

-همام بيعلل موقف الورق بانه مكانش معاه فلوس يصور الورق-يا سلام-على اساس اننا فى مسلسل الوسية وهو واهله مش لاقىين ياكلوا.

-همام مصر يخسر تعاطف الجمهور قبل عرض المقلب بعبارة(المصلحة فوق كل شئ).

-موقف الكافيه برضه مش متصدق واتضح ان همام معاه عربية يعنى مش غلبان زى ما بيقول.

-همام شكله متشرد بيقول (فيزا)بالفاء وعمر وهمام معاهم موبايلات يعنى اسهل حاجة يسيبو موبايلاتهم رهن لحد ما يجيبو الفلوس.

-سؤال اشرف عبد الباقى (هل هو هيفضل صاحبك؟)مالوش اى تلاتين لازمة يعنى لو هما اصحاب فعلا ومش كومبارس زى ما انا اظن كان زمانهم اتخاصمو بسبب الحلقة او على الاقل حيبقى فى حزازيات بينهم.

-موقف تانى مفتعل هو عربية عمر اللى عطلت جنب بيت همام واتصل بيه عشان يجيله فضل مستنيه اربع ساعات وما جاش طب يعنى عمر عايزه يجيله يعمل ايه للعربية؟وبعدين ايه صبر التنين اللى عند عمر ده اللى يخليه يستنى اربع ساعات من غير نا يقفل العربية ويروح؟.

-موقف تانى قمة الافتعال قال طالعين نصيف فى اسكندرية وفلوسنا كلنا خلصت فى نفس الوقت وهمام -اللى كلهم عارفين ان هو ندل-قاللهم ما تقلقوش وهو راح العجمى عند عمه وسابهم يعنى هما سابوه لم شنطته وسابهم وما فهموشانه حيسيبهم ويمشى.

-المقلب هو انهم فى الملاهى-عمر وهمام-لوكانت دى اسمائهم الحقيقية وبعدبن فى بيت الرعب طلعتلهم عصابة وعمر ساب همام رهينة وطلع هو وعادى همام ساب عمر من غير ما يكلمه ولا كلمة -لان المخرج ما قاللوش-وفى وحدة بتصرخ رغم انها مش مخطوفة -لزوم الموسيقى التصويرية-وهمام فى الاخر بينادى عمر رغم انه عارف ان عمر مشى (موقف ملفق ومتمثل وحش اول عن اخر وفيه استخفاف بعقل المشاهد).

-الاغنية اللى فى اخر الحلقة-فايديك قوة تهد جبال-هى الحاجة الوحيدة اللى حلوة فى الحلقة لان البنت دى صوتها حلو.

نقد حلقة الندل من برنامج مقلب دوت كوم

                       برنامج مقلب دوت كوم (حلقة التمثيل)

-تتحدث الحلقة عن ممثل شاب يمثل ويطبق مقولة(ما الدنيا الا مسرح كبير) حرفيا فهو لا يتوقفف عن التمثيل فى حياته الخاصة ومع خطيبته.
-الممثل يبدو واعدا وتمثيله جميل.
-خطيبته وقحة وسوف تدمر مستقبله الفنى لانها تسخر منه بدلا من تشجيعه.
-اشرف عبد الباقى فنان احترمه لكنه عمد فى هذه الحلقة الى السخرية المقيتة التى اكرهها.
-الممثل(محمد)تقبل كل النقد الصادر من خطيبته بصدر رحب لكنه تاثر جدا عندما سخر المخرج(محمد النقلى)من موهبته وتمثيله.

-الحلقة ككل ليست جيدة ويبدو( الاستظراف)فيها بصفة عامة.

-الحلقة قصيرة وبعد ازالة المقدمة الطويلة ومساحة (الاستظراف)لا يتبقى منها الا القليل.

-قميص(محمد)جميل ويبدو انه يعتز به لانه ارتداه مرتين -فى الاستوديو والمقلب.

-خطيبته تضع الكثير جدا من الماكياج مما يدل على جمال متواضع.